لكن دلوقتى مش عارفة حاسة ان الناس مبقتش بتفرق معاهم .. يحاصروا غزة .. عادى وايه يعنى .. يعملوا مجازر.. حاجة بنسمعها كل يوم ومبقتش جديدة .. يقتلوا الاطفال .. ياحرااااام ونتصعب واحنا بنسمع الخبر وكان الله بالسر عليم .. يمكن دا لاننا بقينا بنتعامل مع الموقف من برة ..وكأن اسرائيل بتضرب فى ناس غريبة عننا وكأن عمر ما مصر وغيرها من الدول العربية ماهاتضر من الممارسات دى .. لكن لأ احنا واهمين لان اى اعتداء على دولة فى المنطقة وعدم الدفاع عنها ..بيتيح الفرصة للدول الاستعمارية اننا كلنا _ اقصد كل الدول العربية _ يبقوا هدف سهل.. والدليل انهم بدأوا بفلسطين .. محدش اتكلم ..فاحتلوا لبنان ..و محدش اتكلم .. فاحتلوا افغانستان .. واحنا فى التراوة .. العراق .. ولا الهوا .. لحد مابداوا يهددوا سوريا وايران .. وبرده محدش اتحرك ..
لكن فعلا بدأنا نحس بالخطر لما الموضوع مسنا اوى _ اقصد مصر يعنى _ واحنا دايما كدا منتحركش الا لما تحصل الكارثة .. فا بعد الاجتياح الاسرائيلى الاخير لقطاع غزة ومنع الوقود والكهربا ومنع الموارد الغذائية والدوا كمان عن الشعب الفلسطينى دا غير العمليات العسكرية المنتظمة اللى بتقتل بالعشرات يوميا ومبيهمهاش ان كان شاب او طفل او عجوز .. حاولت مصر تقف جنب الشعب الفلسطينى فافتحت معبر رفح اللى على الحدود بين مصر وفلسطين .. وكان الهدف اننا نساعد الشعب الفلسطينى على انه يشترى احتياجاته من اكل ودوا ويرجع, ودا لمواجهة الحصار ..لكن اللى حصل كان محزن .. لما الفلسطينيين لقوا مقاومة من قوات الامن المصرى علشان ميفتحوش الحدود استخدم الفلسطينيين القوة وحصلت مواجهات ,ولما الرئيس مبارك سمح بدخولهم اتخلقت ازمة كبيرة .. فا اسرائيل احب ماعندها انها تخرج الفلسطنيين من غزة علشان يتوسعوا هما فيها .. طيب والفلسطنيين يروحوا فين ؟ مصر اولى بيهم .. يبقوا لاجئين فى سينا لحد مايستوطنوا فيها ويخلى الجو لاسرائيل وعلى فكرة الهدف دا مش جديد ,المخطط دا موجود من ايام بن جوريون رئيس وزراء اسرائيل عام 1948 ..وهما لعبوها صح ورموا الكورة فى ملعب مصر ,
و يبقى الموقف كالاتى :لما مصر ترفض تدخل الفلسطينيين علشان احترام سيادة اراضيها ,تبقى مصر وحشة ومش بتساعد جيرانها ..لا وبتساهم كمان فى تجويعهم .. ولما مصر تدخلهم ,يستوطنوا فى سينا وتبقى بلدهم ودا هدف اسرائيل ,وعلشان كدا اسرائيل مش هاتسكت وهاتفضل تضغط على غزة واكيد القيادة المصرية عارفة الموضوع دا كويس ومع ذلك دخلت الفلسطينيين لا واتقتل اتنين من جنودنا كمان اثناء المواجهات .. طيب ليه احنا مدخلناش الامدادات اللى هما عاوزينها ليهم ؟ ودا حصل كتير قبل كدا وكل الشعب اتبرع دا غير المؤسسات والهيئات .. ليه نخلق كل المشكلة دى ؟
وحتى مش عارفين نزود جنودنا اللى على الحدود عن 750 جندى لان دا بينص عليه اتفاقية كامب ديفيد المشئومة يعنى لو اتكرر الوضع اللى احنا فيه دا تانى .. مصر مش هاتقدر تواجه ..
ياريت قيادتنا تفهم المؤامرات دى وتصحى لها اوى لاننا بنتعامل مع عدو زكى جدا وفاهمنا اكتر ما احنا فاهمين نفسنا وبيحاول يوقعنا فى بعض بكل الطرق واحنا بنديله الفرصة دى بسذاجتنا وتغليبنا للعواطف من غير عقل ولا حكمة ..
دا طرح بسيط للموضوع من وجهة نظرى وعاوزة اسمع رايكم ..
.jpg)
هناك 4 تعليقات:
اه انا معاكى ياايار احنا من كتر مشاهدتنا لمشاهد القتل والانفجار والضحايا اليومية اصبحت عاده عندنا ان احنا نسمع كده لكن اول مرة حصل فيها كده سنة 2000 تقريبا لما استشهد محمد الدرة العالم كله هاج عشان ده كان اول شهيد تقريبا
واسرائيل مش هتتخلى ابداعن حلمها فى تكوين دولة من نهر النيل وحتى الفرات وطبعا هى اسقطت العراق اذن فاضلها مصر و لما الفلسطينين هربوا على الحدود المصرية سيناء ده فى مصلحتها لانها ممكن تعملها حجة وتدخل سيناء وتدخلها معاها ف الموضوع ومش عارفة من امتى الشهامة دى يا مبارك
وشكرا ع الموضوع ده
نهى : ميرسى ياقمر على ردك وفعلا عندك حق فى كل اللى قلتيه لكن الدرةمكنش اول شهيد لكنه كان فى حضن ابوه وكان شهد ماساوى علشان كدا اثر فى الناس وفعلا حلم اسرائيل بيتحقق ومصر عليها الدور صدقينى ..
كل اللى اقدر اقوله اننا خلاص بقى دمنا بارد ومش بنتاثر باى حاجة وموضوع تاثرنا فى الاول ده لان اى شئ فى اوله بيبقى صعب لكن بعد فترة بيبقى خلااااص شئ عادى لاننا فى الاول كان احسسنا مش صادق لاء دى شوية جعجعه وكلام ... فى الاخر كلام...
وعارفة لو-ومش لو لاء ده قريب واوى كمان - هيحصل ده معانا و برده محدش فى اى دوله عربية هيعمل اى حاجة
والدور علينا ده اتصرح بيه قبل كده على الملئ بس احنا اللى بنعمل عبط مش سامعين
وفى حاجة كمان بجد مش عارفة الافي لها حل .... الفلسطينين دول يعملوا ايه ماهم كده كده مش قادرين يقاموا وفى نفس الوقت مينفعش يحصل اللى حصل وانهم ينزلوا مصر وفى نفس الوقت منقدرش نبعت جنود من عندنا يحاربوا زى ماعمل قبل كده جمال عبد الناصر فى حرب اليمن لاننا هنكون بكده بنعلن الحرب واللى احنا مش قدها طب نعمل ايه؟... طب وهم يعملوا ايه؟
طب ولما الدور يجى علينا هنعمل ايه؟؟؟؟؟
ماحنا لازم نستعد لليوم ده ....
مش زى فرنسا هى بخترع حاجة تحميها من ضرر المفاعلات النووية علشان لو حصل حرب فى اى وقت متتدمرش وتقدر تحمى نفسها واحنا بنحاول ندخل النووى مصر.....
اعتقد يا خوخة ان مصر عارفة احتمالات الحرب لكن مدى الاستعداد للحرب دا مش معلن وحتى اللى معلن منه ان مصر قادرة على الردع دا كلام مسئولين مينفعش نصدقه ماية فى الماية .. والضغط على غزة دا ملعوب واضح علشان يطهأوهم فى عشتهم يقوموا يهاجروا او يلجئوا لاى دولة مش شرط مصر فالازم يستحملوا علشان يحافظوا على ارضهم ولازم الدول العربية بقى تتحرك علشان تساعهم على ارضهم يعنى يبعتولهم معونات , اغاثات الخ ..
إرسال تعليق