ازيكم يا جماعه
بالصدفة تزامن بداية مدونتى مع نهاية بطولة الامم الافريقية...
ورجعت مصر بالكأس..
وفرحنا وهيصنا واتنبح صوتنا من التهليل والفرح بالفوز لحححححد تانى يوم والتليفزيون مبطلش كلام عن البطولة وانجاز مصر العظيم
ونقل حى للشعب الطيب اللى مصدق لقى حاجة يفرج بيها عن التقيل واحساسه بالمرار من كل الاحوال اللى حواليه داخليا وخارجيا وابداعات ولاد البلد اللى عملوا الواجب فى بلادهم وجم علشان يعملوا الواجب برده فى القاهرة!!
اطفال وبنات وشباب وكبار ..
ستات بتزغرد عند كل هجمة لينا وبتصوت فى كل هجمة علينا..
يااااااااااه للدرجة دى..
تعرفوا انى محستش بقيمة الكورة اوى كدا فى اى بطولة تانية حتى لما خدنا الكاس برده فى 2006
ودا معناه فى اعتقادى ان كل ما هم المصريين بيزيد بيزيد معاه انشغاله باشياء اخرى_ مش هاقول تافهة لان حتى اتفه الاشياء ممكن تحقق غرض_ الاشياء دى زى الكورة .. الكليبات .. الانترنت.. وغيره وغيره..
منكرش ان الكورة عملت اللى مقدرتش اى حاجة تانية تعمله ولا حتى المظاهرات المطالبة بالقضاء على الغلاء ولا حركة كفاية ولا الجن الازرق حتى ودا لانها جمعت الناس من كل مكان على حاجة واحدة
تخيلوا انا من كتر ماسمعت عن البطولة ومتابعه الناس ليها لقيت نفسى -مغيبة- واقر انى كنت مغيبة ومبرمجة كمان , لقيت نفسى بروح ساقيه الصاوى وبدل ماتفرج على مهرجان الساقية للافلام الروائية القصيرة لقيت نفسى بتشد للهيصة والزمبليطة اللى عاملينها الشباب ومش بس الشباب وحتى السيدات واطفالهم كمان بصيت من اعلى السلم كدا مقدرتش حتى احدد حجم المتفرجين ييجى خمستلاف او اكتر بكتيييير _ اصل انا فاشلة فى الرياضة_ ياخبر دول لو قالولهم فى جمعية استهلاكية بتوزع لحمة ببلاش مكنش العدد دا هايتجمع بالشكل دا
للدرجة دى الكورة فى مصر بقت مهمة اوى كدا؟
اما غريبة
عاوزة نفتح باب النقاش يا جماعه هل الكورة وتشجيع الناس ليها وانشغالهم بيها عن اى شئ دا شئ ايجابى ولا هو مجرد تغييب للشعب علشان ميفكرش فى الهم اللى مايتلم اللى هما بيعانوا منه من اول مايفتحوا عنيهم لحد مايغمضوها تانى هاستنى رايكم بفااااارغ الصبر
بالصدفة تزامن بداية مدونتى مع نهاية بطولة الامم الافريقية...
ورجعت مصر بالكأس..
وفرحنا وهيصنا واتنبح صوتنا من التهليل والفرح بالفوز لحححححد تانى يوم والتليفزيون مبطلش كلام عن البطولة وانجاز مصر العظيم
ونقل حى للشعب الطيب اللى مصدق لقى حاجة يفرج بيها عن التقيل واحساسه بالمرار من كل الاحوال اللى حواليه داخليا وخارجيا وابداعات ولاد البلد اللى عملوا الواجب فى بلادهم وجم علشان يعملوا الواجب برده فى القاهرة!!
اطفال وبنات وشباب وكبار ..
ستات بتزغرد عند كل هجمة لينا وبتصوت فى كل هجمة علينا..
يااااااااااه للدرجة دى..
تعرفوا انى محستش بقيمة الكورة اوى كدا فى اى بطولة تانية حتى لما خدنا الكاس برده فى 2006
ودا معناه فى اعتقادى ان كل ما هم المصريين بيزيد بيزيد معاه انشغاله باشياء اخرى_ مش هاقول تافهة لان حتى اتفه الاشياء ممكن تحقق غرض_ الاشياء دى زى الكورة .. الكليبات .. الانترنت.. وغيره وغيره..
منكرش ان الكورة عملت اللى مقدرتش اى حاجة تانية تعمله ولا حتى المظاهرات المطالبة بالقضاء على الغلاء ولا حركة كفاية ولا الجن الازرق حتى ودا لانها جمعت الناس من كل مكان على حاجة واحدة
تخيلوا انا من كتر ماسمعت عن البطولة ومتابعه الناس ليها لقيت نفسى -مغيبة- واقر انى كنت مغيبة ومبرمجة كمان , لقيت نفسى بروح ساقيه الصاوى وبدل ماتفرج على مهرجان الساقية للافلام الروائية القصيرة لقيت نفسى بتشد للهيصة والزمبليطة اللى عاملينها الشباب ومش بس الشباب وحتى السيدات واطفالهم كمان بصيت من اعلى السلم كدا مقدرتش حتى احدد حجم المتفرجين ييجى خمستلاف او اكتر بكتيييير _ اصل انا فاشلة فى الرياضة_ ياخبر دول لو قالولهم فى جمعية استهلاكية بتوزع لحمة ببلاش مكنش العدد دا هايتجمع بالشكل دا
للدرجة دى الكورة فى مصر بقت مهمة اوى كدا؟
اما غريبة
عاوزة نفتح باب النقاش يا جماعه هل الكورة وتشجيع الناس ليها وانشغالهم بيها عن اى شئ دا شئ ايجابى ولا هو مجرد تغييب للشعب علشان ميفكرش فى الهم اللى مايتلم اللى هما بيعانوا منه من اول مايفتحوا عنيهم لحد مايغمضوها تانى هاستنى رايكم بفااااارغ الصبر
.jpg)
هناك 13 تعليقًا:
انا بصراحه مش شايفها تغييب
انا شيفها تغييم
بيغموا عيون الناس عن اي حاجه تانيه
وبصراحه الناس اما بتصدق الايام دي تلاقي اي حاجه تفرحها
لانهم من زمان مش عارفين يفرحوا
وخدوها تلكيكه وعملوها مهرجانات زي محنا شايفين. بس اللي شايفينه ده من انتماء ظهر فجأه والكلام ده
لأ الناس بقالها فتره مفرحتش وجه شويه فرحه فقالوا نفرح علي قد ما نقدر مين عارف هنفرح تاني امته ....
شكرا يااحمد على تعليقك وانا شايفه انه كويس اننا نفرح بس ياريت نفرح قريب بحاجات اهم وعلى راى والدى ياريت نعرف نحقق ولو هدف واحد زى هدف ابو تريكة بس فى مجالات تانية تقدر تفرحنا بجد ومن قلبنا.. سلامى ليك
انا بصراحة شايفاها الشماعة اللى بنعلق عليها نوم العرب والمصريين
اعتقد ووفقا لمعلوماتى الكرويه الضئيلة كان فيه كرة قدم من ايام الخمسينات ومع ذلك قمنا بثورة يوليو ومن بعدها حرب اكتوبر ومن بعدها حررنا اخر جزء في مصر اللى هو طابا وقبليها كنا بنواجه العدوان الثلاثى وده مش في مصر بس ده في العالم كله قامت اعظم الثورات-بدون تفاصيل وكان فيه حاجة اسمها رياضه وكرة قدم
الرياضه مجرد لغه عالميه بنخاطب بيها الشعوب ونقرب وجهات النظر وممكن بها نرفع اسم مصر وناكد عليه وانها مازالت موجودة وليها دور وان كان في الكرة بس طبعا
كلنا فرحنا عشان مصر فازت بالكاس ورجعت رائدة للوطن العربى وافريقيا (رياضيا)مرة تانيه لكن اللى ممكن نقوله ونتمناه بعيدا عن الكرة بقى انى مصر ترجع رائدة العرب سياسيا واستراتيجيا وعسكريا واقتصاديا وده مش هيبقى بالكلام بس لكن ده محتاج وحدة زى اللى شوفناها بعد فوز مصر واللى اكدت انى شعب مصر لسه وحدة واحدة ومتفرقش رغم كل الجهود الغربيه لاثارة الفتنه بين شعب عريق شعب مصر
ايوة ياموئة بس دا كان لما كان فيه ناس بتخاف على بلدها بجد.. وفى الاول وفى الاخر بتراعى ربنا... لكن دلوقتى لا تعليق ياحبيبتى!
بس انا عندى تعليق ياايار قولتى ناس بتخاف على بلدها مين اللى قلك انى مفيش حد بيخاف على بلده انتى بتخافى وانا وهو وهى وكل المصريين بس مشكلتنا اننا تربينا على معنى الاستسلام
بصى على المصريين حواليكى في كل مكان هتلاقى لسه الطيبه على وشوشهم مش هقولك اللى حرقوا زملكاوى ولا اللى ضربوا اهلاوى ولا اللى بيتخانقوا مع دبان وشهم في الشوارع
لا بصى ياايار حواليكى هتلاقى المسيحيه اللى بتقوم من على كرسيها في المترو عشان تقعد شابه مسلمة حامل بصى على المسلمه وهى بتقوم لست مسيحيه كبيرة بصى على سواق الاتوبيس وهو بيعفى ست فقيرة من تمن التذكرة بصى على الشاب وهو بيعدى رجل كفيف الشارع بصى الناس وهى بتتكلم مع بعضها في اى مكان انا عارفة انها احداث بسيطة لكن ممكن من خلالها تعرفى يعنى ايه شعب طيب بيحب بلده ومتوحد هتقوليلى فين التوحد هقولك انه مفيش حد لما اتفرج على المسيرات اللى طلعت تحتفل بفوز مصر متنماش انهم يكونوا خارجين احتجاج على ارتفاع الاسعار او قال في باله دوله لو طلعوا الحكومة هتخفض الاسعار او انى الشعب ده لو تجمع هيحل مشكله فلسطين كلنا فكرنا في كده باختلاف اتجاهاتنا وميولنا السياسية ودينا واعمارنا عارفة ده معناه ايه معناه اننا كلنا بنفكر في حاجة واحدة ونفسنا نحققها لكن ناقص حاجة واحدة بس انى ييجى اللى يجمعنا كلنا تحت رايه حب مصر
انا فى رائى انها تغيب بس ده من وجهت نظر الحكومة يعنى الحكومة شايفة انها بتلهينا عن سياستها بكرة القدم لان اغلب الشعب بيحبها
لكن الناس عارفة وحاسة بكل حاجة بس اتعودت على الاستسلام
وعارفة كمان اللى بثبت ان التغيب ده من وجهت نظر الحكومة بصى كده على المعسكرات اللى فى الجامعات والمعاهد بعد ماكانت معسكرين او تلاتة فى السنة دلوقتى بقت معسكرين او تلاته فى الشهر وده بجد بس باستثناء شهر رمضان .....وده فى الاخر برده علشان يغيبوا الطلبه لان الشباب فئة مهمة جدا وعلشان يقللوا من المظاهرات والتجمعات وغيرها
الموضوع كويس الاول انا عاجز عن وصفى لاقتناعى واعجابى براى shemoeg بجد كلام مقنع جدا ووصف حى لصورة المصرى بس اللى عايز اضيفه الاتهام الاول الذى وجه للحكومة بصفة التعمد فى اللى حصل يا جماعة البطولات القارية او العالمية لادخل لحكومات فيها الحكومة مش هى السبب فى خوض بطولة او هى الطالب للتنظيم بدليل ان فى دورى مصرى تابع للحكومة المصرية اقدر اوقفه براحتى اقدر امنعه خالص اقدره اخليه طول العام ومبيحصلش ما حصل الجيل الحالى لم يشهد حرب اكتوبر لم يذق طعم انتصار مصرى فتربى فى مخيلته ان ده هو لواء مصر وان ده خط الدفاع الاول عن الاراضى المصرية وان محمد انور ابو تريكة هو القائد الاعلى احنا جوانا طاقات كتير بس محتاجين حد يوجه شباب لم يجد غير هذه الطريقة للتعبير عن حبه
عفوا نحن مصريون !!
موئة:تقصدى ان المشكلة من فوق ؟! ماشى بس المصريين برده بقت عقولهم فاضيةحتى لو كانوا بيفرغوا عن همهم..
خوخة: انا معاكى انه تغييب بس برده الشعب عارف وساكت مش مش عارف لا عارف وراضى كمان ويستاهل اللى يجراله..
ايمن: هههههه حلوة محمد انور ابو تريكة دى! انا معاك فى رايك..
هو انا قلت يا ايار انه مش عارف لا ءعارف ..... عارف بس اتعود على الاستسلام وده بسبب الحكومة برده لانها عودته على كده
انا شايفة ان وسائل الاعلام بتبالغ اوى ف الاحتفال بيهم بعد الفوز باسبوع كل يوم لعيب على القنوات يعد بقى يحكيلنا مراته قالت ايه ومامته قالتله ايه قبل الماتش وهو صغير عمل ايه وبيحب ياكل ايه ...كل ده عشان فازوا بالكاس وخمسين الف اغنية واحده لشحاته وواحده لايو تريكةوغيرهم و5 مليون من هنا و20مليون من هنادون مراعاه للشباب اللى مش لاقية شغل واللى بتشتغل بعقود ف الحكومة ب180ج شهريا مش عارفة الناس جالها نفس تفرح ازاى انا عن نفسى فرحت عشان الدول الافريقية هتقول مصر فازت بس
وبرافو يا ايار ع الموضوع الجميل ده
بصى يانهى انا معاكى انهم بيستفزونا فى الملايين اللى عمالين يوزعوها من دم قلبنا دى لكن التقرب من حياتهم الشخصية دا نظام برامج يعنى برنامج طريقته انه يقرب من حياة النجم الشخصية واحنا درسنا الحاجات دى , اما الاغانى اللى اتعملت دى " دعاية" وكل واحد عاوز ياخد نصيبه من التورتة ويهبش له هبشة قبل الحفلة ماتخلص .. عادى يعنى
اولا عايزة اشكر باشمهندس ايمن على تعليقه اما ايار فانا طبعا مش قصدى انه من فوق واعتقد انى باشمهندس ايمن وضح كده برضه من خلال تعليقه
لكن اللى اقصده انى احنا اللى اتربينا على الاستسلام وكمان ماما مقلتليش بصراحة انى عاطف عبيد اللى جالنا البيت وانا صغيرة وكلمنى كلمتين كده على انفراد ووصانى اننا نقول نعم لمبارك والحكومة والحزب الوطنى مقاليش اتفرجى على الكورة وعلى كليبات نانسي وهايفة وبوسي بس هبقى اسالها واتاكد برده لكن كل ماتذكره انى لو كان عندنا مظاهرة في المدرسه اوعى تمشي في المظاهرة احسن يخدوكى ومنلاقيكيش تانى هيودوكى ورا الشمس ولو عايزين نشتكى المدرسه هتستقصدك ومش هيعملولها حاجة وهتيكى درجات زى الزفت هو ده بس اللى كنت باسمعه
اعتقد بقى انى احنا اللى في ايدينا نغير نفسنا واولادنا واحفادنا والاجيال اللى جايه
اماالحكومة المسكينه ديه اللى بنعلق عليها سكونا وخوفنا منها مش هتتحول فجاه لملاك توزع الملايين على الناس الغلابنين ولا هتوزع اراضى على الشباب المساكين ولا هتغير الروتين اللى الناس بيقفوا عشانه في المصالح الحكوميه بالساعات متذنبين ولا هتوزع ارغفه العيش على الناس الجاعنين الشقاينين مسكينه واللهى حكومتنا
موئة : الاختلاف فى الراى لا يفسد للود قضية .. وجامد اوى السجع اللى فى اخر كلامك هههههههههه
إرسال تعليق