(صلى الله عليه وسلم) ..
سمعتم الخبر.. طيب وعملتوا ايه.. اتنرفزتوا .. شتمتوا..
على العموم اى حاجة عملتوها اهون بكتير من اللى حكومتنا
العرب كلهم _عملوه كرد على نشر الصور المسيئة للرسول فى اول مرة... وعلشان كدا كانت نتيجة طبيعية ان الصوردى تتنشر تانى_ماهو سكتنا له دخل ب....(ولامؤاخدة) _
وياريت كمان المرة دى اتحركنا ..كل اللى قدرنا نعمله شوية كلام من امثال" نحن نشجب ونستنكر وندين "
شوفوا الخبر كان بيقول ايه:
رئيس تحرير صحيفة " يولاندس بوستن " _ الصحيفة اللى نشرت الصور _ بيقول :
"انه لامر مروع ان يتم تصوير رجل على انه شيطان _ يقصد الصحفى مش الرسول (عليه الصلاة والسلام)_
وتهديد حياته مكافأة له على اجتهاده فى عمله" !!
ودا بعد اعلان الشرطة الدنماركية احباط مخطط لاغتيال رسام الكاريكاتير كورت فيستر جارد صاحب هذا الرسم اللى ظهر فيه النبى محمد على شكل رجل يضع على راسه قنبله كعمامة _ يعنى الرسام دا متحرقش زى ما اتقال_..
ورد محمد فؤاد البرازى رئيس الرابطة الاسلامية فى الدنمارك "بالاستنكار " لقرار اعادة نشر الرسوم المسيئة..واكد ان الاشخاص المتهمين بالمؤامرة لايعبرون عن وجهة نظر الرابطة .. وطالب قاسم احمد احد قادة العمل الاسلامى فى الدنمارك بالتحلى بالصبر والتعامل بعقلانية مع اى استفزاز مقبل ..
الرد الاول نفى عن مصر صفة الارهاب .. ماشى ولو ان صيغة الاستنكار مبقتش مجدية دلوقتى ومش هو دا الموقف اللى المفروض يتاخد.. والرد التانى امرنا بالصبر ضد الاستفزازات ...
انا شايفة ان الناس دى ليها حق انها تشوفنا كدا وتتريق على دينا ورمزه " الرسول ص" ومتزعلوش منى..المسلمين مبقوش مثال جيد للاسلام .. ولو نفتكر كدا ان الاسلام انتشر بحد السيف فى دول زى الاندلس على ايد طارق بن زياد _لكن بعد فترة اتحولت كل الجوامع اللى اتبنت او اغلبها الى كنائس مرة اخرى_.. ولكنه انتشر برده عن طريق التجار المسلمين فى اندونسيا وباكستان .. لانهم شافوا صدق وامانة التجار دول .. فاعتنقوا الاسلام عن اقتناع واتبعوا تعاليمه بصدق وعلشان كدا الاسلام لسة منتشر فى الدول دى لحد دلوقتى ..
وانا مش هاطالب من موقعى المتواضع بقطع العلاقات الدبلوماسية مع هولندا ولا حتى مقاطعة البضائع الهولندية ..لكن هاطالب بحوار بين الثقافات .. ليه ميحصلش بينا وبينهم حوار عن طريق الفضائيات يمثلنا فيها ائمة المسلمين اللى يقدروا يتكلموا عن دينا صح ويوضحوا للناس دى سماحة ديننا وعظمته وعظمة رسولنا ولو مقتنعوش .. يبقى تعاملنا معاهم وجالياتنا هناك وعلاقاتنا التجارية معاهم توضحلهم ان احنا مسلمين على حق بنحب شغلنا ونخلص له.. وبنحب ربنا وبنعبده صح .. وبنقتدى برسولنا العظيم .. والكلام دا لينا جميعا..
وابدا ابدا مش احداث الشغب ولا حرق المحلات والسيارات فى الدنمارك _ زى ماتردد ان المسلمين عملوا كدا_ هو التعبير الانسب عن غضبنا ولا التصرف دا هو اللى هيحل الازمة بالعكس احنا كدا بنصعد الموقف وبنأكد للعالم كله فكرة " المسلم الارهابى " اللى واخدنها عننا الغرب كلهم ..
بعض المؤسسات مشكورة اصدرت كتب تصحح صورة الاسلام وصورة الرسول (صلى الله عليه وسلم) ,ولو ان الكتب دى محتاجة تنتشر اكتر ومحتاجة تتعزز بسلوكياتنا مش بس كلام فى كتب..
احب اقول للناس اللى نشروا الصور دى ان الاسلام قوى ومحافظ على كيانه فى العالم وهايفضل كدا لانه الدين الحق , واحب اقول كمان انهم بنشرهم للصور دى عملوا خطوة فى صالحنا وفى صالح الاسلام.. اه صدقونى .. داحنا لازم نشكرهم كمان .. لان كتير من الناس اللى هايسمعوا الاخبار دى اكيد هايحاولوا يبحثوا عن الدين الاسلامى ويعرفوا تعاليمه ومبادئه وحياة الرسول الكريم _من باب معرفة الرأى والرأى الاخر حتى _
وساعتها صدقونى المقارنة هاتبقى فى صالحنا ..وكتير من الستشرقين اللى اعتنقوا الاسلام دافعوا عنه فى كتبهم .. والتزموا بتعاليمه صح..
تعالوا منخليش للناس دى حجة ونفهم دينا ونلتزم بتعاليمه وصدقونى احنا اللى هانقدر ننشر الصورة الجيدة عن دينا وعن رسولنا (صلى الله عليه وسلم) ونبقى قدوة ومثل يحتذى
_ والكلام دا بذكر بيه نفسى قبليكم _ ....
.jpg)
هناك 8 تعليقات:
هقول اية؟؟
نعرف نحب بعض الاول عشان نقف ايد وحدة
وميرسى على التعليق بتاعك عنندى على تيت راديو
بجد مش لاقية حاجة اقولها
متفقة معاكي مية في المية
ونبينا محمد صلى الله عليه وسلم لا يضره
شيء من استهزائهم وكراهيتهم
نسال الله الهداية لكل ضال
تحيااااتي
انا بصراحة مكنتش عايزة اقرى الموضوع ده لانى بجد تعبت من الكلام اللى بسمعه او بقرا عنه لكن اقريته وهعلق
انا بصراحة من رايي انى لايكون في حوار ثقافات ولاغيره دول مش هييجوا الا بقطع كافه العلاقات الدبلوماسيه والاقتصاديه معاهم وسحب سفرائنا واغلاف سفاراتهم في الوطن العربى لكن الدول ديه مبتهنش الرسول عشان رافضين الدين الاسلامى او غيره ديه سياسه لاستفزاز العالم العربى والاسلامى يعنى التحاور معتقدش انه ليه لازمة تعالو نفتكر كلام بوش بعد احداث 11 سبتمبر قال انى حربه على الارهاب هى بمثابه حرب صليبيه تانيه وبعدين قدم اعتذار بانه لم يكن يقصد المعنى الذه فهمه العرب بعدين كانت حرب افغانستان والعراق وبعدين ظهرت صور التعذيب في ابو غريب وانتهاك عرض وشرف العراقيات والعراقيين وزى معرفنا الصور ديه اتسربت من الداخل وقالوا جندى امريكى سربها وحاكموه لكن تعالو نفكر ليه هيسربها ضميره صحى يعنى ولا كانت عمليه استفزاز برده بعديها بمده قصيرة جدا بدات حرب منظمة على الاسلام بنشر صور مسيئه وسباب واهانات للدين الاسلامى من الخارج لكن المصيبه بقى انها كمان وصلت لينشروا في جرايد مصريه اهانات لشخصيات صحابه وزوجات الرسول زى اللى اتنشرت في الغد بعنوان اسوأ عشر شخصيات في الاسلام واللى بيصدر عن حزب الغد اللى معرفش اذا كان تابع للجنه الاحزاب المصريه ولا للكونجرس الامريكى
خلاص انا اتكلمت وكلنا اتكلمنا بس ياريت نتحرك ونحرك حكوماتنا العربيه و احنا اللى بايدنا نحركهم لو طالبنا بحقنا في سحب السفير المصرى واغلاق السفارة الدنماركيه اعتقد انى كل الدول العربيه هتتبع مصر على اساس انها يعنى كانت رائدة العالم العربى
موئة : بصى احنا اللى محتاجنهم مش هما اللى محتاجنا .. مصر هى اللى صباعها تحت ضرسهم والا كانت حملات مقاطعه البضائع الاسرائيلية والامريكية جابت نتيجة .. انا مش شايفة ان الحل هو العنف ولا التكبير لكن المواجهة اهم واحسن حتى لحفظ كرامتنا .. وحلوة كانت رائدة الوطن العربى دى هى كانت فعلا..
علاء : انا مبسوطة جدا جدا على تشريفك لمدونتى وارحب بتعليقاتك دايما وكمان فرحانة اوى بتجربة تيت راديو ولو انى بختلف معاك فى حاجات كتير بس حابة تجربتكم جدا
unique: حبيبتى مشرفة مدونتى وفعلا الرسول عليه افضل الصلاة والسلام اشرف واكبر من كل استهزائاتهم ربنا يهدى ..
وكتير من الكفرة بقوا اكبر دعاة للاسلام من اول الجاهلية لحد المستشرقين دلوقتى .. ربنا كبير .. منتظرة ردودك المقبلة ياقمر
انا معاكى يا شيماء جدا
وشايفة اننا لو حتى محتاجنهم زى مابتقولى ياايار فمقاطعتنا ليهم فى كل حاجة اكيد هتخسرهم كتيييير
وحملات مقاطعة البضائع الاسرائيليه ماجبتش نتيجة لاننا ملتزمناش بيها اصلا كان واحد يقاطع والف لاء ...... فطبيعى متجبش نتيجة
يعنى هى مقاطعتنا ليهم هى اللى هاتخليهم يغيروا رايهم عن دينا ونبينا ياناس؟؟؟؟؟
ملناش دعوه دعوا الخلق للخالق هنعملهم ايه يعنى المهم احنا نفهم دينا ونتبع سنة محمد (ص) ولو كل المسلمين اتفقوا على مقاطعه بضائعهم اكيد هيخسروا لكن مش هيغيروا رايهم طبعا
يعنى ايه يانهى دعوا الخلق للخالق هما بيسبوا المسلمين ولا بيسبوا حد تانى ؟؟؟؟؟ دا على راى اللى قال لو كانوا شتموا حاكم عربى كات الدنيا قامت قعدتش محال دا رسول المسلمين ؟؟ واشمعنى فيه قوانين بتمنع المساس بالديانة المسيحية فى كل العالم ومفيش تشريع بيمنع المساس بالاسلام ؟؟؟؟؟؟
إرسال تعليق