ايه ياجماعة محدش بيزورنا ليه على مدونتى انا واحمد ولا شفت ولا تعليق يوحد ربنا .. عيب كدا الواد جاله احباط من تحت الباط .. تعليق ياولاد الحلال .. يقعدلكوا فى مدوناتكم كدا ان شاء الله .. انا هاشحت ولا ايه .. انا كتبت اجدد موضوعاتى هناك .. وادى اللينك بتعها علشان مش يبقى ليكوا حجة :
يوميات محامى مبينمش واعلامية مهيسة ..
.jpg)
هناك 10 تعليقات:
دوختوني معاكم
علي فكرة انا أسمي التدويني فوفو
لايق عليا اكتر الاسم الاولاني كان غلطة وخلوه في سركم
السلام عليكم انت زعلان لية ولا تزعل نفسك
المفقوعة مرارتها : شكرا على مرورك وكل اساميكى حلوة ..
اريد عريسا : انا بنوتة مش ولد وانا مش زعلانة ولا حاجة انا زى الفل ..
طب ممكن ادخل
بكبوكة هانم
و لا يهمك
هي كده
بس مدونتك دمها خفيف
و شكلي متابع
أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذلك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املأ الدنيا بالضجيج
نظرة على اسرار اون لاين لن تضيرك
و مشاركتك تأكد انها مصدر سعادة لنا
http://asraronline.com/vb/
وجه جديد : انت تشرف ياباشا ويارب دايما متابع ..
امين سر : مش فاهمة حاجة بس نورتنى برده ..
أديني رجعت لك ..
أديني بين أديكي ..
كفاية دموع بقى ..
مش عارف أشوف عينيكي ..
ناديتي بشوق ناديت ..
قولت لي : تعالى جيت ..
لا ححاسبك على الفراق ..
شكراً يا / عمرو على الآداء ده .. الحساب عند آيار ..
آيار ..
أنا جيت أهو ..
بكبوكة أيه وبتاع أيه ؟؟
أسمك أيار .. أيه اللي جاب أيار لبكبوكة ؟؟
(بس هو دلع أيار أيه بالمناسبة ؟؟)
عايز أقولك على حاجة مهمة أنتي وأحمد ..
أكتبوا اللي أنتوا عايزينه .. مش لازم تكتبوا عشان تعجبوا الناس ..
حتى مش لازم تستنوا تعليقات الناس ...
فاهماني يا أيار أنتي وأحمد ؟؟
أي حاجة تيجي في دماغك أكتبيها ..
وبأي طريقة .. (بس والنبي بلاش باللون الأصفر أياه)
ياللا يا أحمد انت وأيار ..
استلا سيفكما .. واقتلا الجهل والسلبية تقتيلاً مقتلاً مقنتلاً بتقاتيل تقاتلية .. هع هع هع
لا مش دي ..
نياهاهاهاهاهاهاهاهاهاه ..
(هي دي )
تحياتي ..
الغلبان :
وائل عمر (وش كله علامات الغلب)
انا بحب يويا وائ ويورى ويويو - لكن هاحب اكتر الاسم اللى تختاره ..
تصحيح : لا هاعتبك على اللى فات ..
مش لا هاحسبك على الفراق ..
وسعيدة موت بتلبية النداء سريعا ..
واحنا حابين التعليقات فى البداية كنوع من التشجيع ورفع المعنويات احنا واثقين اننا كويسين - غرور بقى - لكن الازمة اننا عايزين نحس ان صوتنا مسموع .. ويارب احمد كمان يسمع الكلمتين دول ..
على فكرة :
أنا أخترت لك اسم (يوري) من قبل ما تقولي اقتراحاتك ..
بصرة يعني ..
بالنسبة لعمرو دياب ..
يا بنتي أنا جاي من زمن (طقطوقة ألمظ وعبده الحامولي) .. والاسطوانة الـ 400 لفة بتاعة الشاب الحليوة اللي اسمه (كارم محمود) ..
عمرو دياب بقى .. الأسطوانة بتاعته (سفت) في الجرامافون ..
(أيه ده ؟؟ هو أنا بقيت عجوز بحد واللا أيه ؟؟)
ههههههه شكلك كدا يا وائل.. ربنا يستر بعد كدا هاقولك ياعمو وائل
إرسال تعليق