طبعا كلنا سمعنا الاغنية العظيمة دى لفيروز .. الاغنية دى بتجسد معانى الحب عند كتير من الشباب دلوقتى .. يعنى الاغنية دى سابقة عصرها بجد .. فعلا الحب بالنسبة لمعظم الشباب دلوقتى بقى مجرد قتل للوقت .. تسلية .. وقت فاضى مش عارفين يعملوا فيه ايهوفعلا برده الوقت بيقتل الحب - وخاصة بعد الجواز - ومش بس الوقت .. الوقت والظروف المادية والاقتصادية والروتين ,
وكمان اغلب القصص دلوقتى لو قعدت من الشتا للشتا دا يبقى انجاز عظيم لانها فى الاغلب مبتكملش موسم واحد يعنى لو بدات فى اول الصيف - عن طريق مصيف ولا غيره - تخلص طبعا مع نهاية الاجازة ولو بدأت فى الشتا - فى جامعه ولا بتاع - تخلص مع نهاية العام الدراسى .. اما بقى فى الربيع الحياة بتبقى وردى شوية بس القصص بتنتهى برده .. والخريف كلنا عارفين - محدش بيبقى طايق نفسه - يعنى يافيروز ياحبيبتى احمدى ربنا ان اللى بتتكلمى عنهم حبوا بعض باول شتى وسابوا بعض فى تانى شتى .. وفعلا ساعتها وفى الحالات دى البكا مبينفعش لان الموضوع بيبقى انتهى خلاص وكل ليالى السهر والقصص اللى بتحصل دى بتنتهى طبعا لانها بتبقى وهم .. وهم بالحب والسهر والغيرة.. بتخلص بسهولةةةة بكلمة صغيرة اوى زى شكة الدبوس .. ويبقوا حبوا بعض .. وسابوا بعض ويرجعوا يحبوا تانى ويسيبوا تانى ويحبوا تانى ويسيبوا تانى .....
.jpg)
هناك 7 تعليقات:
اولا حمد الله على السلامة يا ايار
او يمكن انا اللى بقالى كتير جدا مدخلتش عندك
طبعا الاغنية دى بجد من روائع فيروز اللى انا بستمتع بيها جدا
بس لفكرة مش كل قصص الحب اخرها تلات اربع شهور زى منتى قولتى فى قصص حب بجد غيرت من ناس كتير وعملت معجزات ولفكرة ده فى زمنا ده مش ايام الاغريق
وانا واحد من الناس دى عش القصة كاملة حب وخطوبة وجواز واتغيرت من الاسواء للاحسن علشان خاطر اقدر اكمل المشوار يعنى تقريبا كده قبل الجواز حوالى ست سنين قصة حب يعنى ست شتى
بوست جميل ومتغبيش عننا تانى ومتهجميش الواد عرين تانى لانه عنده حق فى كل اللى قالة
عودا احمد يا ايار
البوست ده حلو يكفي صورة فيروز اللى فية
كلامك عن الحب ده ينطبق على الشباب الفاضى سواء ولد ولا بنت
لكن لسة فية حب بجد وشباب بيقدر مسئولية كلمة ( بخبك )
اما اللى بيحبوا من الشتا للشتا دول فربنا معاهم بقي ويوفقلهم حب حقيقي فى سكتهم يكون لعى الربيع كده
متغبيش عننا تانى
آية صادق
أيار ذى ما الناس كلها قالتلك بجد
حمد الله علي سلامتك
ويا ريت تقولي غيابك كان بسبب ايه
وبعدين كلامك حلو جدا
اصله صراحة اد ما فهمته اد ما ضحكني
قال حبوا بعض الشتا ده وسابوا بعض الشتا التاني
ده غلب ايه ده بجد
علي رايك كل الحب العبيط بتاع المصايف والجامعات ده ممنوش فايدة
واول ما الخريف يجي والناس تستحر بيروح علطول
هههههههههههههه
حلو اوي
وحمد الله تاني علي سلامتك
وعلي فكرة انا عملت حفلة عيد ميلادي في مدونتي تعالى احتفلي معايا
محمود : الله يسلمك يا محمود باشا
انا قصدت ناس تانية مش عاقلة .. شباب طايش بتوع اليومين دول ..مش متعتقين زى حضرتك وزى الاستاذ وائل ..
واكيد عارفة ان فيه نماذج كويسة يعنى ومدام كويسين مفيش داعى اكرر على مسامعكم ذكرهم .. ولا ايه ؟!
غيابى كان ظروف اتمنى ميتكررش تانى .. اتمنى لانى فقدت ناس بحبها مبقوش يعلقوا عندى يمكن لانشغالهم او نسيانهم ربنا اعلم بالظروف .. بس الاهم ان انا رجعت الحمد لله وكله يتعوض ..
عجبنى رد وائل عليا وانا نقدته منقتدش انه نقد الشخص دا .. فاهمنى ؟!
اية : حبيبتى انا مبسوطة اوى انك بتعلقى عندى برغم انى عارفة مشاغلك ..
انتى علمتينى من غير ماتقصدى معنى الحب الحقيقى .. ربنا يكرمك ويتمم قصتك باحلى نهاية .. نهاية حلوة لبداية احلى قولوا امييييييييييييييين
تابعينى يابت على طول حتى بعد ماتتجوزى مليش دعوة !!!!!!!
باى ياحبى
مها (اللى وحشتينى) :
الله يسلمك ياقمر والله تعليقاتكوا ردت فيا الروح ولو انى مش شايفة الاخ وائل بالرغم من اول واحد قرا الموضوع ...
غيابى يامها كاان بسبب الامتحانات والمشروع بتاع التخرج.. لكن جوة الكلمتين دول مشاكل وبلاوى اثرت عليا نفسيا بدرجة غريبة .. الحمد لله انها عدت ولو انها معدتش اوى ..
مبسوطة جدا ان الموضوع عجبك ..
وطبعا احتفلت بعيد ميلادك وبقولك هنا كمان كل سنة وانتى احلى واجمل ودايما منورة بيتك - مدونتك يعنى - ومنورانى بتعليقاتك ياقمر ..
إرسال تعليق